Tres dies de festa


Sa festa "Pastores Tenores" durat tres dies, dae su 5 a su 7 de Santu Gaini 2007.

Sa prima die est dedicada a sa presentada de su "Distretto Culturale" de su tzentru de sa Sardigna .

A merie s'aberint sas cortes a sa zente, a cumintzare dae sa domo de sa trāmuda.

In sa manzanada de sāpadu 6 de Santu Gaini b'ant a esser reading leterārios e presentadas de romanzos e libros

A cumintzare dae su merie de sāpadu s'ant a poter iscurtare sos cāntigos a tenore de deghinas de tenores diferentes chi benint dae totu su tzentru de sa Sardigna. Cantadas lėberas, chena parcos e amplificatziones chi ant a sighire pro totu su sero in sas carreras, in sas pratzas e i sas cortes de sa bidda.

Paris cun sos cantadores a tenore s'ant a poter iscurtare e abaidare sos cantores de sa Cōrsica e sos cantadores e balladores de Eivissa e Formentera.

Arrejonadas, teatru, presentadas di libros e proietziones di filmis etnografėcos ant a prenare su sero.


Sa die de domėniga presentat a su merie sos tenores chi cantant in totu sa bidda

E, comente a su sāpadu, fintzas sa domėniga at esser una die prena de arrejonadas, presentadas de libros, filmis, ispetāculos e mųsica.

Comente est custa festa


S'idea chi ghiat totu sa manifestatzione est cussa chi pastoriu, cāntigu a tenore, limba e cultura sarda sunt benes ligados a pare, benes de remonire e de afortire, e su cras insoro est in sas mentes, in sas manos e in fāghere de nois sardos.

Custa festa est un'atōbiu pro sos sardos e pro totu cuddos chi amant e rispetant sa Sardigna, sa cultura sarda, chi at raighinas fungudas ma chi brotat galu froeddas noales ca est bia e forte.
Un'atōbiu a sa sarda, a sa moda de sas festas antigas de sas biddas o de comente sunt galu sas festas in sas cumbessias de sos santuārios in campanna.

Festa chene parcos, chene ispetāculos de prastica, logu e ora de la fāghere sa zente mantessi sa festa, cantadores e pastores, massajos o ite si siat: sardos.

Non b'at logu pro su folclore (in su sensu malu de cussa parāula), non b'at costųmenes, petzi sa zente, gai comente nd'est oe e cada die.
No est su teatru de s'antigōriu, nč su museu de su chi fimus, petzi sa cultura sarda de oe, de sa Sardigna moderna chi non s'irgonzat de su chi est.

Cantadores zōvanos e cantadores prus betzos chi cantant pro su gustu e sa gana de cantare e de abarrare un'iscuta umpare, de si cunfrontare, de rėere e de brullare.

Deghinas de tenores e medas āteros cantadores ant a cantare in sas carrereas, cortes e pratzas de sa bidda, paritzos ant a presentare sos traballos issoro, discogrāficos, de chirca, fotogrāficos o multimediales.

Totu a inghėriu a sos tenores b'at essere su restu de sa festa cun sas arrejonadas, sos filmis etnogrāficos, sas presentadas de libros sardos, ispetāculos teatrales e galu āteru puru.